റാണീപുരത്തും കോട്ടഞ്ചേരിയിലും കേബിൾ കാർ സാധ്യതാപഠനത്തിനായി 5.78 ലക്ഷം രൂപ അനുവദിച്ചു.

സാധ്യതാപഠനം നടത്താൻ 5.78 ലക്ഷം അനുവദിച്ചു ......

ബളാൽ പഞ്ചായത്തിലെയും പനത്തടി പഞ്ചായത്തിലെയും ( വെള്ളരിക്കുണ്ട് താലൂക്ക് )വിനോദസഞ്ചാരകേന്ദ്രങ്ങളായ റാണീപുരത്തെയും കോട്ടഞ്ചേരിയെയും ബന്ധിപ്പിക്കുന്ന കേബിൾ കാർ നിർമാണത്തിന്റെ സാധ്യതാപഠനത്തിനായി കാസർകോട് വികസനപാക്കേജിൽനിന്ന്‌ 5.78 ലക്ഷം രൂപ അനുവദിച്ചു.

കേബിൾ-കാർ നിർമിക്കുന്നതിനുള്ള പ്രോജക്ട് ജില്ലയിൽ സാധ്യമാണോ എന്നാണ് സാധ്യതാപഠനത്തിലൂടെ പരിശോധിക്കുന്നത്. രണ്ട് കിലോമീറ്റർ നീളവും 500 മീറ്റർ വീതിയും വരുന്ന റാണീപുരം-കോട്ടഞ്ചേരി ഇടനാഴിയും 10 കിലോമീറ്റർ നീളവും 500 മീറ്റർ വീതിയും വരുന്ന റാണീപുരം-ഇടക്കാനം ഇടനാഴിയിലുമാണ് സാധ്യതാപഠനം നടത്തുക.

കളക്ടറുടെ ഇടപെടൽമൂലം പദ്ധതിക്കാവശ്യമായ സ്ഥലം സ്വകാര്യവ്യക്തികൾ സൗജന്യമായി വിട്ടുതരാൻ തയ്യാറായിട്ടുണ്ട്.

സോഴ്സ് 

Cable car feasability study connecting ranipuram to edakkanam  to begin. fund sanctioned for the study.