കാസര്‍ഗോഡ് ജില്ലയിലെ വെള്ളരിക്കുണ്ട് താലൂക്കില്‍ കാഞ്ഞങ്ങാട് ബ്ളോക്കില്‍ കോടോം,ബേളൂര്‍, തായന്നൂര്‍, പരപ്പ (പകുതി ഭാഗം) വില്ലേജ് ഉള്‍പ്പെടുന്ന ഗ്രാമപഞ്ചായത്താണ് കോടോം-ബേളൂര്‍ ഗ്രാമപഞ്ചായത്ത്. 95.44 ച.കി.മീ വിസ്തൃതിയുള്ള പഞ്ചായത്തിന്റെ അതിരുകള്‍ വടക്ക് ബേഡഡുക്ക, കുറ്റിക്കോല്‍, കള്ളാര്‍ പഞ്ചായത്തുകളും, തെക്ക് കിനാനൂര്‍ കരിന്തളം, മടിക്കൈ പഞ്ചായത്തുകളും, പടിഞ്ഞാറ് പുല്ലൂര്‍ പെരിയ, മടിക്കൈ പഞ്ചായത്തുകളും, കിഴക്ക് കിനാനൂര്‍ കരിന്തളം, ബളാല്‍, കള്ളാര്‍ പഞ്ചായത്തുകളുമാണ്. കോടോം ഗ്രാമം ഉള്‍പ്പെടുന്ന പഞ്ചായത്ത് 1953-ലാണ് നിലവില്‍ വന്നത്. കോടോത്ത് കുഞ്ഞമ്പു നായര്‍ (പെരിങ്ങാനം) ആയിരുന്നു പഞ്ചായത്ത് പ്രസിഡന്റ്. പശ്ചിമ പര്‍വ്വതനിരകളുടെ പരിലാളനമേറ്റ് കുന്നും, മലകളും, കാട്ടാറുകളും, വയലേലകളും നിറഞ്ഞ ഭൂപ്രദേശത്ത് അങ്ങിങ്ങായി പാറക്കെട്ടുകളും ചെങ്കല്‍ സമതലങ്ങളും വനഭൂമിയും നിരന്നു നില്‍ക്കുന്നു. കുന്നിന്‍ചെരുവുകളില്‍ രൂപം കൊള്ളുന്ന കാട്ടരുവികള്‍ ഒന്നുചേര്‍ന്ന് നദിയായി, ജലസ്രോതസ്സായി മാറുന്നു. ജില്ലയിലെ ഏറ്റവും ഉയരമുള്ള മലകളിലൊന്നായ കണ്ടടുക്കംമല ഈ പഞ്ചായത്തില്‍ സ്ഥിതി ചെയ്യുന്നു. കാവുകളും ചരിത്രസ്മരണകള്‍ ഉറങ്ങുന്ന ഗോപുര കവാടങ്ങളും തറവാട്ടു ദൈവങ്ങളുടെ സ്ഥാനങ്ങളും കൊണ്ട് സമൃദ്ധമാണ് ഈ പഞ്ചായത്ത്. ഗതകാല ചരിത്രസ്മരണകള്‍ ഉറങ്ങുന്ന നാലുകെട്ടുകള്‍, ജന്മിത്വവ്യവസ്ഥിതിക്കെതിരായി പോരാടിയ കര്‍ഷകസമരങ്ങളുടെ ചരിത്രമുഹൂര്‍ത്തങ്ങള്‍ എന്നിവ ഈ പഞ്ചായത്തിന്റെ തിലകക്കുറികളാണ്. സമ്പന്നമായ സാംസ്കാരിക പൈതൃകത്തിന്റെ കേദാരമാണ് കോടോം-ബേളൂര്‍ പഞ്ചായത്ത്. സമൃദ്ധമായ കാര്‍ഷിക വിളഭൂമികളും ജലസ്രോതസ്സുകളും പഞ്ചായത്തിന് ഹരിതാഭ കൈവരുത്തുന്നു. ഹോസ്ദുര്‍ഗ് താലൂക്കിലെ മലയോര മേഖല ഉള്‍പ്പെടുന്ന തായന്നൂര്‍, ബേളൂര്‍-കോടോം-പരപ്പ ഗ്രാമത്തിന്റെ ഒരുഭാഗം എന്നിവ ചേര്‍ന്നാണ് കോടോം-ബേളൂര്‍ ഗ്രാമപഞ്ചായത്തായി രൂപപ്പെട്ടത്. ആദ്യകാലത്ത് കോടോം, ബേളൂര്‍ എന്നിവ രണ്ടു പഞ്ചായത്തായിരുന്നു. 1963-ല്‍ ഇവ സംയോജിച്ച് ഒറ്റ പഞ്ചായത്തായി. നാടന്‍ കലാരൂപങ്ങളും നാടന്‍പാട്ടുകളും സാംസ്കാരിക തനിമക്ക് മാറ്റുകൂട്ടുന്നു. ഐതിഹ്യങ്ങള്‍ വീണുറങ്ങുന്ന പള്ളിയറകളും കാവുകളും തറവാടുകളും പഞ്ചായത്തില്‍ ഏറെ കാണാം. വൈവിദ്ധ്യമാര്‍ന്ന സ്ഥലങ്ങളും മിത്തുകളും പ്രൌഢമായ ഗതകാല സ്മരണകളാണ്. അസംഖ്യം തറവാടുകളും കാവുകളും ഇവിടുത്തെ സാംസ്കാരിക പാരമ്പര്യത്തിന് മകുടം ചാര്‍ത്തുന്നു. നേരോത്ത് പെരട്ടൂര്‍ കൂലോത്തോട് ഭാഗത്ത് കാവുകളുടെ സമുച്ചയം കാണാം. വന്‍മരങ്ങളുടെയും അപൂര്‍വ്വ ഔഷധ സസ്യങ്ങളുടെയും സമ്പന്നമായ ശേഖരം കാവുകളില്‍ കാണാവുന്നതാണ്. അപൂര്‍വമായ പത്തായപക്ഷി കാവുകളില്‍ കാണപ്പെടുന്നു. നൂറ്റാണ്ട് പഴക്കമുള്ള ചിത്രപീഠം പെരട്ടുര്‍ കൂലോത്ത് കാണാം. കാവുകളില്‍ കണ്ടിരുന്ന മയില്‍, കുരങ്ങുകള്‍, മുയല്‍, കൂരന്‍ എന്നിവയ്ക്ക് വംശനാശം സംഭവിച്ചുകൊണ്ടിരിക്കുന്നു. താളിയോല ഗ്രന്ഥങ്ങളുടെ മഹാശേഖരം ഉണ്ടായിരുന്ന അയ്യങ്കാവ് കൂലോം നായപ്പന്‍വീട് മുളവിന്നൂര്‍ ഭഗവതി ക്ഷേത്രം എന്നിവ സ്മരണീയങ്ങളാണ്. കേടോം തറവാട്ടിലെ പട്ടോല ഗ്രന്ഥങ്ങളും ഗണനീയമാണ്.
ചരിത്രം
ഇവിടുത്തെ പള്ളിയറകളിലും ദേവസ്ഥാനങ്ങളിലും കളിയാട്ടങ്ങള്‍ ധാരാളം നടക്കുന്നു. വൃശ്ചികമാസത്തിലാണ് കളിയാട്ടങ്ങള്‍ക്ക് തുടക്കം കുറിക്കുന്നത്. തെയ്യങ്ങളുടെ അരങ്ങേറ്റം ഇതോടെ തുടങ്ങുകയായി. വടക്കേ മലബാറിലെതന്നെ പ്രശസ്തമായ കോടോം തറവാട് ഈ പഞ്ചായത്തിലാണ്. സമ്പന്നമായ ജന്മിത്തറവാട്ടുകാരായ കോടോം വീട്ടുകാര്‍ പൊന്നാനി താലൂക്കിലെ വത്തേരി എന്ന സ്ഥലത്തു നിന്നും ഇവിടെ നൂറ്റാണ്ടുകള്‍ക്ക് മുമ്പെത്തിചേര്‍ന്നുവെന്നാണ് ഐതിഹ്യം സൂചിപ്പിക്കുന്നത്. സംസ്ഥാനത്തിന് അകത്തും പുറത്തുമായി വിസ്തൃതമായ ഭൂപ്രദേശത്തിന്റെ ഉടമകളായിരുന്നു ഇവരെന്നു കാണാം. ഇവിടുത്തെ കോടോം ഭഗവതി ക്ഷേത്രം ദാരുശില്പങ്ങളുടെ കേദാരം കൂടിയാണ്. ക്ഷേത്രഗോപുരത്തില്‍ മരത്തില്‍ കൊത്തിവച്ച ചിത്രങ്ങള്‍ നിത്യവിസ്മയമായി ഇന്നും നിലകൊള്ളുന്നു. ദാരുശില്പങ്ങള്‍ നിറഞ്ഞുനില്‍ക്കുന്ന ഗോപുരം കോടോത്ത് അമ്പു കാരണവരാണ് 1897-ല്‍ നിര്‍മ്മിച്ചതെന്ന് വിശ്വസിക്കുന്നു. കോടോം കുന്നിനു മേലെ കാക്കപോലും പറക്കില്ലായിരുന്നു എന്നായിരുന്നു ചൊല്ല്. കോടോത്തിന് സ്വന്തമായി ഒരു കഥകളിസംഘം തന്നെ ഉണ്ടായിരുന്നു. ആലത്തടി മലൂര്‍ പഞ്ചായത്തിലെ പ്രധാനപ്പെട്ട മറ്റൊരു ജന്മിത്തറവാടായിരുന്നു. ഇരിയ വാഴുന്നവര്‍, മൊടഗ്രാമം വാഴുന്നവര്‍, കീക്കാംകോട് വാഴുന്നവര്‍ എന്നിവരെല്ലാം പ്രതാപികളായ ജന്മിമാരായിരുന്നു. ബാത്തൂര്‍ ഭഗവതി ക്ഷേത്രത്തില്‍ വര്‍ഷംതോറും പുരോത്സവ ഭാഗമായി അരങ്ങേറുന്ന മറത്തുകളി ശ്രദ്ധേയമായി തുടരുന്നു. പഞ്ചായത്തു കോടതികള്‍ പ്രാചീനകാലത്ത് നിലവില്‍ ഉണ്ടായിരുന്നു. എല്ലാകൊല്ലവും മേടം 15-ന് പ്രസിദ്ധമായ ബേളൂര്‍കൂലോത്ത് ഒറ്റക്കോല ചടങ്ങുകള്‍ നടക്കും. തുളുനാടന്‍ പാട്ടുകളും നാടോടിക്കഥകളും പഞ്ചായത്തിന്റെ സാംസ്കാരിക പ്രൌഢിക്ക് പകിട്ട് ചാര്‍ത്തുന്നു. ചെന്തളം കാവ്, എരളാല്‍, കേളോത്ത്, കോളിയാര്‍, പൊറോന്തിക്കാവ്, എളാടി, കണ്ടടുക്കം, അയ്യങ്കാവ്, അയറോട്ട്, പാക്കത്ത് തുടങ്ങി നിരവധി കാവുകള്‍ പഞ്ചായത്തിലുണ്ട്. ബാനം, കോടോം, ബേളൂര്‍, മുളവന്നൂര്‍, തായന്നൂര്‍, നേരാത്ത് തുടങ്ങിയ അമ്പലങ്ങളിലെ ഉത്സവം ശ്രദ്ധേയമാണ്. നെരോത്ത് നിന്നും മടിയന്‍ കൂലോത്ത് പാട്ടുത്സവത്തിന് തെയ്യം പോവല്‍ വലിയ ജനപങ്കാളിത്തത്തോടെയാണ് നടക്കുന്നത്. പ്രസിദ്ധമായ മുസ്ളീം തീര്‍ത്ഥാടന കേന്ദ്രമായ പാറപ്പള്ളി പഞ്ചായത്തിന്റെ അതിര്‍ത്തിയില്‍ സ്ഥിതി ചെയ്യുന്നു. പാറപ്പള്ളിയില്‍ മതസൌഹാര്‍ദ്ദത്തിന്റെ പ്രതീകമായി വിളക്കുകത്തിച്ചുവെക്കുന്ന പതിവുണ്ട്. എണ്ണപ്പാറ, കാലിച്ചാനടുക്കം, ഒടയംചാല്‍, കരുണാപുരം, ഉദയപുരം, ചുള്ളിക്കര ദേവാലയങ്ങള്‍ ക്രിസ്ത്യന്‍ മതവിഭാഗത്തിന്റെ പ്രധാന ആരാധനാലയങ്ങളാണ്. കുടുംബതെയ്യം, പന്തുരുളി, കല്ലുരുട്ടി, രക്തചാമുണ്ഡി, ഭൈരവന്‍, കുട്ടിച്ചാത്തന്‍, അണങ്ങ്, കാലിച്ചാത്തന്‍ ദൈവം, പനിയന്‍ തുടങ്ങിയ തെയ്യക്കോലങ്ങള്‍ പഞ്ചായത്തിന് പൈതൃകമായി ലഭിച്ചതാണ്. വീടുകളിലും തെയ്യ കോലങ്ങള്‍ കെട്ടിയാടാറുണ്ട്. ഈ പഞ്ചായത്തിലെ പിന്നോക്ക വിഭാഗങ്ങളില്‍ ഭൂരിഭാഗവും മാവിലര്‍ സമുദായക്കാരാണ് ഇവര്‍ പൊതുവെ അദ്ധ്വാനശീലരാണ്. വൈവിദ്ധ്യമാര്‍ന്ന ആചാരവിശേഷങ്ങള്‍ ഇവര്‍ വച്ചു പുലര്‍ത്തുന്നു. ശുദ്ധമല്ലാത്ത തുളു ഭാഷയാണ് ഇവര്‍ സംസാരിക്കുന്നത്. മയ്യന്‍ എന്ന പദത്തില്‍ നിന്നാണ് മാവിലന്‍ എന്ന പേരുണ്ടായത് എന്നാണ് അനുമാനിക്കുന്നത്. ഉത്തര കേരളത്തിലെ തെയ്യം കലാരംഗത്ത് അപൂര്‍വ്വമായി സംഭാവന നല്‍കിയ വിഭാഗമാണ് മലയര്‍. പഞ്ചായത്തിന്റെ സാംസ്കാരിക രംഗത്ത് ഇവര്‍ ഗണ്യമായ സംഭാവന നല്‍കി. കോടോന്തന്‍ എന്നത് ഇവരുടെ ഇടയിലെ ആചാരപ്പേരായിരുന്നു. കാഞ്ഞങ്ങാട് നഗരത്തില്‍ നിന്നും ഏകദേശം പതിനെട്ട് കിലോ മീറ്റര്‍ കിഴക്കോട്ട് സഞ്ചരിച്ചാല്‍ കോടോം ബേളൂര്‍ ഗ്രാമപഞ്ചായത്ത് ആസ്ഥാനത്ത് എത്തിച്ചേരാം. നീലേശ്വരം, കാഞ്ഞങ്ങാട് തുടങ്ങിയ നഗരങ്ങളില്‍ മാത്രമേ ആദ്യകാലത്ത് ഹൈസ്കൂളുകള്‍ ഉണ്ടായിരുന്നുള്ളൂ. 1930-കളിലാണ് വിദ്യാഭ്യാസ സ്ഥാപനങ്ങള്‍ ഈ പഞ്ചായത്തില്‍ രൂപം കൊള്ളാന്‍ തുടങ്ങിയത്. ജന്മിമാരുടെ നേതൃത്വത്തില്‍ അവരുടെ പത്തായ പുരകളില്‍ ആരംഭിച്ച വിദ്യാലയങ്ങളും, കര്‍ഷക പ്രസ്ഥാനത്തിന്റെയും ദേശസ്നേഹ പ്രവര്‍ത്തനങ്ങളുടെയും ഭാഗമായി രൂപം കൊണ്ട വിദ്യാലയങ്ങളുമാണ് ഇവിടെയുണ്ടായിരുന്നത്. ഫ്യൂഡല്‍ ജന്മി കുടുംബങ്ങള്‍ക്ക് വേണ്ടി ആവശ്യമായ തുണിനെയ്ത്ത്, മണ്‍പാത്ര നിര്‍മ്മാണം, കളരിയാവശ്യങ്ങള്‍ക്കായി ആയുധങ്ങള്‍ മുതലായവ നിര്‍മ്മിക്കാന്‍ വൈദഗ്ദ്ധ്യമുള്ള പരാമ്പരാഗത തൊഴിലാളികള്‍ ഈ പഞ്ചായത്തില്‍ നിലനിന്നിരുന്നു എന്നതിനു തെളിവാണ് കോടോത്ത് ഗ്രാമത്തിലെ ജാതി അടിസ്ഥാനത്തില്‍ ഓരോ തൊഴിലിനെയും ഓരോ കുലങ്ങളായി വിഭജിച്ചിരുന്ന രീതി.
ചരിത്രം
ഇവിടുത്തെ പള്ളിയറകളിലും ദേവസ്ഥാനങ്ങളിലും കളിയാട്ടങ്ങള്‍ ധാരാളം നടക്കുന്നു. വൃശ്ചികമാസത്തിലാണ് കളിയാട്ടങ്ങള്‍ക്ക് തുടക്കം കുറിക്കുന്നത്. തെയ്യങ്ങളുടെ അരങ്ങേറ്റം ഇതോടെ തുടങ്ങുകയായി. വടക്കേ മലബാറിലെതന്നെ പ്രശസ്തമായ കോടോം തറവാട് ഈ പഞ്ചായത്തിലാണ്. സമ്പന്നമായ ജന്മിത്തറവാട്ടുകാരായ കോടോം വീട്ടുകാര്‍ പൊന്നാനി താലൂക്കിലെ വത്തേരി എന്ന സ്ഥലത്തു നിന്നും ഇവിടെ നൂറ്റാണ്ടുകള്‍ക്ക് മുമ്പെത്തിചേര്‍ന്നുവെന്നാണ് ഐതിഹ്യം സൂചിപ്പിക്കുന്നത്. സംസ്ഥാനത്തിന് അകത്തും പുറത്തുമായി വിസ്തൃതമായ ഭൂപ്രദേശത്തിന്റെ ഉടമകളായിരുന്നു ഇവരെന്നു കാണാം. ഇവിടുത്തെ കോടോം ഭഗവതി ക്ഷേത്രം ദാരുശില്പങ്ങളുടെ കേദാരം കൂടിയാണ്. ക്ഷേത്രഗോപുരത്തില്‍ മരത്തില്‍ കൊത്തിവച്ച ചിത്രങ്ങള്‍ നിത്യവിസ്മയമായി ഇന്നും നിലകൊള്ളുന്നു. ദാരുശില്പങ്ങള്‍ നിറഞ്ഞുനില്‍ക്കുന്ന ഗോപുരം കോടോത്ത് അമ്പു കാരണവരാണ് 1897-ല്‍ നിര്‍മ്മിച്ചതെന്ന് വിശ്വസിക്കുന്നു. കോടോം കുന്നിനു മേലെ കാക്കപോലും പറക്കില്ലായിരുന്നു എന്നായിരുന്നു ചൊല്ല്. കോടോത്തിന് സ്വന്തമായി ഒരു കഥകളിസംഘം തന്നെ ഉണ്ടായിരുന്നു. ആലത്തടി മലൂര്‍ പഞ്ചായത്തിലെ പ്രധാനപ്പെട്ട മറ്റൊരു ജന്മിത്തറവാടായിരുന്നു. ഇരിയ വാഴുന്നവര്‍, മൊടഗ്രാമം വാഴുന്നവര്‍, കീക്കാംകോട് വാഴുന്നവര്‍ എന്നിവരെല്ലാം പ്രതാപികളായ ജന്മിമാരായിരുന്നു. ബാത്തൂര്‍ ഭഗവതി ക്ഷേത്രത്തില്‍ വര്‍ഷംതോറും പുരോത്സവ ഭാഗമായി അരങ്ങേറുന്ന മറത്തുകളി ശ്രദ്ധേയമായി തുടരുന്നു. പഞ്ചായത്തു കോടതികള്‍ പ്രാചീനകാലത്ത് നിലവില്‍ ഉണ്ടായിരുന്നു. എല്ലാകൊല്ലവും മേടം 15-ന് പ്രസിദ്ധമായ ബേളൂര്‍കൂലോത്ത് ഒറ്റക്കോല ചടങ്ങുകള്‍ നടക്കും. തുളുനാടന്‍ പാട്ടുകളും നാടോടിക്കഥകളും പഞ്ചായത്തിന്റെ സാംസ്കാരിക പ്രൌഢിക്ക് പകിട്ട് ചാര്‍ത്തുന്നു. ചെന്തളം കാവ്, എരളാല്‍, കേളോത്ത്, കോളിയാര്‍, പൊറോന്തിക്കാവ്, എളാടി, കണ്ടടുക്കം, അയ്യങ്കാവ്, അയറോട്ട്, പാക്കത്ത് തുടങ്ങി നിരവധി കാവുകള്‍ പഞ്ചായത്തിലുണ്ട്. ബാനം, കോടോം, ബേളൂര്‍, മുളവന്നൂര്‍, തായന്നൂര്‍, നേരാത്ത് തുടങ്ങിയ അമ്പലങ്ങളിലെ ഉത്സവം ശ്രദ്ധേയമാണ്. നെരോത്ത് നിന്നും മടിയന്‍ കൂലോത്ത് പാട്ടുത്സവത്തിന് തെയ്യം പോവല്‍ വലിയ ജനപങ്കാളിത്തത്തോടെയാണ് നടക്കുന്നത്. പ്രസിദ്ധമായ മുസ്ളീം തീര്‍ത്ഥാടന കേന്ദ്രമായ പാറപ്പള്ളി പഞ്ചായത്തിന്റെ അതിര്‍ത്തിയില്‍ സ്ഥിതി ചെയ്യുന്നു. പാറപ്പള്ളിയില്‍ മതസൌഹാര്‍ദ്ദത്തിന്റെ പ്രതീകമായി വിളക്കുകത്തിച്ചുവെക്കുന്ന പതിവുണ്ട്. എണ്ണപ്പാറ, കാലിച്ചാനടുക്കം, ഒടയംചാല്‍, കരുണാപുരം, ഉദയപുരം, ചുള്ളിക്കര ദേവാലയങ്ങള്‍ ക്രിസ്ത്യന്‍ മതവിഭാഗത്തിന്റെ പ്രധാന ആരാധനാലയങ്ങളാണ്. കുടുംബതെയ്യം, പന്തുരുളി, കല്ലുരുട്ടി, രക്തചാമുണ്ഡി, ഭൈരവന്‍, കുട്ടിച്ചാത്തന്‍, അണങ്ങ്, കാലിച്ചാത്തന്‍ ദൈവം, പനിയന്‍ തുടങ്ങിയ തെയ്യക്കോലങ്ങള്‍ പഞ്ചായത്തിന് പൈതൃകമായി ലഭിച്ചതാണ്. വീടുകളിലും തെയ്യ കോലങ്ങള്‍ കെട്ടിയാടാറുണ്ട്. ഈ പഞ്ചായത്തിലെ പിന്നോക്ക വിഭാഗങ്ങളില്‍ ഭൂരിഭാഗവും മാവിലര്‍ സമുദായക്കാരാണ് ഇവര്‍ പൊതുവെ അദ്ധ്വാനശീലരാണ്. വൈവിദ്ധ്യമാര്‍ന്ന ആചാരവിശേഷങ്ങള്‍ ഇവര്‍ വച്ചു പുലര്‍ത്തുന്നു. ശുദ്ധമല്ലാത്ത തുളു ഭാഷയാണ് ഇവര്‍ സംസാരിക്കുന്നത്. മയ്യന്‍ എന്ന പദത്തില്‍ നിന്നാണ് മാവിലന്‍ എന്ന പേരുണ്ടായത് എന്നാണ് അനുമാനിക്കുന്നത്. ഉത്തര കേരളത്തിലെ തെയ്യം കലാരംഗത്ത് അപൂര്‍വ്വമായി സംഭാവന നല്‍കിയ വിഭാഗമാണ് മലയര്‍. പഞ്ചായത്തിന്റെ സാംസ്കാരിക രംഗത്ത് ഇവര്‍ ഗണ്യമായ സംഭാവന നല്‍കി. കോടോന്തന്‍ എന്നത് ഇവരുടെ ഇടയിലെ ആചാരപ്പേരായിരുന്നു. കാഞ്ഞങ്ങാട് നഗരത്തില്‍ നിന്നും ഏകദേശം പതിനെട്ട് കിലോ മീറ്റര്‍ കിഴക്കോട്ട് സഞ്ചരിച്ചാല്‍ കോടോം ബേളൂര്‍ ഗ്രാമപഞ്ചായത്ത് ആസ്ഥാനത്ത് എത്തിച്ചേരാം. നീലേശ്വരം, കാഞ്ഞങ്ങാട് തുടങ്ങിയ നഗരങ്ങളില്‍ മാത്രമേ ആദ്യകാലത്ത് ഹൈസ്കൂളുകള്‍ ഉണ്ടായിരുന്നുള്ളൂ. 1930-കളിലാണ് വിദ്യാഭ്യാസ സ്ഥാപനങ്ങള്‍ ഈ പഞ്ചായത്തില്‍ രൂപം കൊള്ളാന്‍ തുടങ്ങിയത്. ജന്മിമാരുടെ നേതൃത്വത്തില്‍ അവരുടെ പത്തായ പുരകളില്‍ ആരംഭിച്ച വിദ്യാലയങ്ങളും, കര്‍ഷക പ്രസ്ഥാനത്തിന്റെയും ദേശസ്നേഹ പ്രവര്‍ത്തനങ്ങളുടെയും ഭാഗമായി രൂപം കൊണ്ട വിദ്യാലയങ്ങളുമാണ് ഇവിടെയുണ്ടായിരുന്നത്. ഫ്യൂഡല്‍ ജന്മി കുടുംബങ്ങള്‍ക്ക് വേണ്ടി ആവശ്യമായ തുണിനെയ്ത്ത്, മണ്‍പാത്ര നിര്‍മ്മാണം, കളരിയാവശ്യങ്ങള്‍ക്കായി ആയുധങ്ങള്‍ മുതലായവ നിര്‍മ്മിക്കാന്‍ വൈദഗ്ദ്ധ്യമുള്ള പരാമ്പരാഗത തൊഴിലാളികള്‍ ഈ പഞ്ചായത്തില്‍ നിലനിന്നിരുന്നു എന്നതിനു തെളിവാണ് കോടോത്ത് ഗ്രാമത്തിലെ ജാതി അടിസ്ഥാനത്തില്‍ ഓരോ തൊഴിലിനെയും ഓരോ കുലങ്ങളായി വിഭജിച്ചിരുന്ന രീതി.
COMMENTS